ДЛЯ КЕЛЕЙНОГО ЧТЕНИЯ
(для частного чтения)
Акафист блаженному Тихону
К1. Избранному угоднику и чудотворцу святому блаженному отцу нашему Тихону, в земле Уржумской страны Вятской просиявшему, хвалебное пение приносят чтущие святую память твою. Ты же имеяй велие дерзновение ко Господу от всяких нас бед сохрани, с верою зовущих: Радуйся, блаженнее Тихоне, предивный чудотворче.
И1. Равноангельское житие взыскал еси, блаженный отче, от рождества твоего отвергая мира лукавую сию красоту и вся яже в нем: похоть очес, похоть плоти и гордость житейскую, да Христа приобрящеши. Темже многотрудное житие и блаженную кончину твою зрящее радостно вопием:
Радуйся, от младости в добром наказании воспитанный
Радуйся, благодати Божия сосуде избранный
Радуйся, к Богу рачение велие имевый
Радуйся, водительству Духа Святаго прилежавый
Радуйся, путь скорбный и тесный Господа ради избравый
Радуйся, благословение Божие стяжавый
Радуйся, в жилище Духа Святаго уготованный
Радуйся, сотворивый волю Божию и ины научивый
Радуйся, призывающим тя скорый заступниче
Радуйся, притекающим к ти теплый молитвениче
Радуйся, путем тернистым шестовавый
Радуйся, благами вечными увеселенный
Радуйся, блаженный отче наш Тихоне, Уржумский чудотворче.
К2. Видя промысл Божий егда остался еси сиротою, тогда прилепился всем сердцем к Покрову Богородицы и выю свою приклонивши смиренно под иго Христово рече к Богу песнь: Аллилуия.
И2. Видев сердце трое Господь, любовью к нему пламенеющее, призва тя на путь монашеского жития, ты же вечных благ возжелал еси вельми и иноческое пострижение приял еси. Тем же, ублажаем тя, преподобне отче и славящее еже о тебе изволение Божие взываем ти сице:
Радуйся, сродники Христа ради оставивый
Радуйся, путь свой единому Богу вручивый
Радуйся, иноческое житие возлюбивый
Радуйся, от юности в монашестве ревность показавый
Радуйся, мир сей ни во что вменивый
Радуйся, праздность душевредную возненавидевый
Радуйся, человеческое суемудрие отринувый
Радуйся, к деланию духовному предизбранный
Радуйся, во смирении Христу служивый
Радуйся, ближняя своя благочестием удививый
Радуйся, богомыслием непрестанным ум просветивый
Радуйся, от сердца вся искушения юности отгнавый
Радуйся, блаженний отче наш Тихоне, Уржумский чудотворче
К3. Силою свыше прозревая сосуд благодати избранный, благослови тя настоятель обители на подвиг юродства. Мы же, видя сбывшимся благословение в служении ревностном Богу и людям на пользу, восхваляем Творца всех: Аллилуия.
И3. Имущее умножити Человеколюбец Господь, веру православную в земле Уржумской и чрез тя привести ко спасению многих, возвратил еси в родные края мы же дивимся сему промышлению и благодарно воспеваем:
Радуйся, в землю родную стопы управивый
Радуйся, пришествием своим благословение Божие принесый
Радуйся, присно в ней в подвизе пребывавый
Радуйся, все упование на Господа возложивый
Радуйся, утешение людям жившим явивый
Радуйся, любовию своею окрест себя спасавый
Радуйся, в вере и истине неленостно утверждавый
Радуйся, попечителю о душах наших неутомимый
Радуйся, с вестию благой радостно приятый
Радуйся, звездо пресветлая нас озаривый
Радуйся, словом Божиим людие усладивый
Радуйся, подвигами своими землю нашу освятивый
Радуйся, блаженний отче наш Тихоне, Уржумский чудотворче
К4. Бурю внутрь имеяц помышлений сумнительных, людие все смущахуся зрящее велия подвиги твои, яко мужественно претерпевая зной и стужу, глад и жажду, распиная плоть свою со страстьми и похотьми. Тем же и поем Богу: Аллилуия.
И4. Слышаша яко проповедник смирения и покаяния был еси, отче Тихоне, примером жития своего незлобие и всепрощение показуя, снося от людей беззакония иже мняху тя безумным. Мы же дивяся вольной нищете приносим возгласы таковые:
Радуйся, путем тесным и скорбным ходивый
Радуйся, дольняя горняго ради оставивый
Радуйся, по стопам Спасителя ходивый
Радуйся, Его терпению подражавый
Радуйся, терпением с Богом злобу победивый
Радуйся, нищету телесную и духовную возлюбивый
Радуйся, молчанием на укоризны отвечавый
Радуйся, похоти плотские умертвивый
Радуйся, страданиями вольными душу обогативый
Радуйся, на подвиг юродства свыше призванный
Радуйся, равноангельским житием украсивыйся
Радуйся, о мире усерднодно к Богу печаливыйся
Радуйся, блаженний отче наш Тихоне, Уржумский чудотворче
К5. Боготечной звездой воссиял ты, отче блаженний, яко был еси Божией Истины проповедниче преходя из веси в весь и научая всех заповедям неленостно, дабы возглашали слышавшие о сем, небесную песнь: Аллилуия.
И5. Видеша людие многие, Бога не ведущие и в грехах тяжких погрязшие, подвиги и житие твое, потщашася благодати Божия и нрава Христова возревновати, согласно друг со другом воспевая:
Радуйся, житием души к Богу привлекавый
Радуйся, души заблудшия к Богу приводивый
Радуйся, приходящим милостивный путеводительнице
Радуйся, помраченных умом пресветлый наставниче
Радуйся, паче своей, пользы ближних искавший
Радуйся, житием своим всем послуживший
Радуйся, храм Божий любити нас научавший
Радуйся, непрестанно посещать его завещавший
Радуйся, духовной пищей алчущих питавший
Радуйся, любви и смирению всегда поучавший
Радуйся, мира и правды ревностный сеятелю
Радуйся, благочестия искреннего насадителю
Радуйся, блаженний отче наш Тихоне, Уржумский чудотворче
К6. Проповедник Богоносных вещаний и глаголы исполняя, служителем был у престола Божия неленостно в служении вверенном тебе подвизаясь, радостно поя на службах Божиих: Аллилуия.
И6. Воссия с тобою Истина, яко твердый явился еси защититель Церкви Православной от ереси обновленческой, разделения распространяющей, народ же в смуте на пути правом тобою укрепляемый сице возгласно утверждает:
Радуйся, Алтаря Господня благоговейный служителю
Радуйся, чистоты веры усердный хранителю
Радуйся, истины православной проповедниче
Радуйся, веры отеческой исповедниче
Радуйся, послушанию Церкви нас научающий
Радуйся, от раздоров душегубительных ограждающий
Радуйся, заблудшия в суемудриях вразумляющий
Радуйся, паству Христову от расколов сохраняющий
Радуйся, мира в церкви славо и украшение
Радуйся, слова Божия верное проповедание
Радуйся, благовестием своим враги посрамляющий
Радуйся, людие мятущиеся твердо наставляющий
Радуйся, блаженний отче наш Тихоне, Уржумский чудотворче
К7. Хотя всякое зло в людях во грехах погибающих искоренити, тчался еси их яко ближних, в любви Христовой наставити, да купно с тобою славословят Бога: Аллилуия.
И7. Нового избранника Божия в словах и делах прикровенно, людей окружающих непрестанно наставлял и вразумлял еси ,старче Тихоне. Мы же зряже на юродство твое, почитаем человеком Божиим и абие прославляем:
Радуйся, всех с верою притекающих наставляй
Радуйся, воли Господней тайну нам открываяй
Радуйся, злые начинания разрушающий
Радуйся, благим намерениям способствующий
Радуйся, лекарю благоискусный недугов духовных
Радуйся, искоренителю мудрый пороков злонравных
Радуйся, к покаянию нас призывавый
Радуйся, за все благодарити нас научивый
Радуйся, сердца окамененные ко исправлению умягчивый
Радуйся, каменеем и собою будущее показывавый
Радуйся, являвый советами явное поможение
Радуйся, людей приходящих тайное вразумление
Радуйся, блаженний отче наш Тихоне, Уржумский чудотворче
К8. Странное житие видящее, устранимся суетного мира и ум на Божественное преложим, ибо сего ради, обагати тя Господь многими дарами на помощь болящим и скорбящим, выну и мы с ними укрепившему тако Богу благодарственно глаголем: Аллилуия.
И8. Весь бе себя отринув, благодать Божию в подвизе многотрудного жития своего восприяв, всем приходящим к тебе, дар прозорливости на пользу души являл еси, мы же ведущее сие творим пение таковое:
Радуйся, прегрешений обличителю прозорливый
Радуйся, грядущие дела ясно провидевый
Радуйся, юродивыми притчами предсказывавый
Радуйся, мысленными очима волю Божию провидевый
Радуйся, помышления сердец прозревавший
Радуйся, бесчинных кротко исправлявший
Радуйся, небрежное житие обличавший
Радуйся, сокровенные грехи обнажавший
Радуйся, таин Божиих духовный зрителю
Радуйся, от бед и горя избавителю
Радуйся, Иоанну Крестителю в обличении поревновавший
Радуйся, блаженному Прокопию в служении подражавший
Радуйся, блаженний отче наш Тихоне, Уржумский чудотворче
К9. Все людие слышаша о милости Божией Матери на тебе излиянной, образа Своего чудесно явленным. Сего ради зрящее таковое Богородицы благоволение услыши от бренных уст хвалу Богу: Аллилуия.
И9. Вития многовещанныя недоумеют глаголати о тебе, Тихоне блаженный, егда обрел еси образ Богородицы в источнике водном и прорекл еси Духом Святым, яко на ключике сем людие с верою приходящие будут исцеляться. Мы же таинству сему дивящееся, хвалословим тако:
Радуйся, место сие милитвами освятивый
Радуйся, явлением Богородицы обрадованный
Радуйся, покровом омофор Приснодевы имевый
Радуйся, многажды прошения помощью предваривый
Радуйся, безнадежных немощию исцеляяй
Радуйся, болящим и недужным помогаяй
Радуйся, неистощимый источниче чудес явивый
Радуйся, многотекущую реку Божия благодати оставивый
Радуйся, новую силоамскую купель указавый
Радуйся, купание в ней всем завещавый
Радуйся, поруганию безбожному его не предавый
Радуйся, молитвами своими чудесно сохранивый
Радуйся, блаженний отче наш Тихоне, Уржумский чудотворче
К10. Спасти хотя верных множество о сем молил Господа, да приял еси подвигов смиренных дар исцелений недугов телесных на пользу спасения, темже слышиши от всех людей: Аллилуия.
И10. Стеною несокрушимою пламенный молитвенник и верный ходатай за нас явился еси, всем в нуждах к тебе притекающих и на потребу щедро дающий, потщися и нам помощи умильно глаголющим:
Радуйся, в молитве к Богу скоро услышанный
Радуйся, дар свыше врачевания душ и телес приявший
Радуйся, молитвами теми напасти и беды отгонявший
Радуйся, силу и дар исцелений от Бога получивший
Радуйся, уныния душевного избавления подаваяй
Радуйся, духовные тяготы приходящим облегчаяй
Радуйся, немощей наших врачу милосердный
Радуйся, телесных болезней целителю дивный
Радуйся, неисцельные язвы скоро исцеляяй
Радуйся, в подвизе изнемогающих икрепляяй
Радуйся, крепкое заступление вех притекающих
Радуйся, помощниче верный к Богу следующих
Радуйся, блаженний отче наш Тихоне, Уржумский чудотворче
К11. Пение благодарное приносят людие все ко Господу Богу зрящее на Пасху мирное успение твое, за подвиги велии, яко прият тя Воскресший Спаситель в Царство Свое приносити со Ангелами песнь непрестанно: Аллилуия.
И11. Светозарной звездой явилось всем людям житие твое осветившее мрак мира сего, да озарятся и души наша светом Горнего мира, и возжелаем усердно достигнути Оного, и за сие прими усердное благодарение:
Радуйся, по успении своем нас не оставляющий
Радуйся, светильниче Божий нас озаряющий
Радуйся, подвижниче добрый нас научающий
Радуйся, известное попечение о людях являющий
Радуйся, живущим в мире предивно помогающий
Радуйся, почитающим тя прошения исполняющий
Радуйся, ходатаю спасения тя любящим и чтущим
Радуйся, укрепление душевно и телесно изнемогающим
Радуйся, славу Божию собой возвещающий
Радуйся, на могилке чудеса обильно являющий
Радуйся, неисчерпаемую благость Божию нам открывающий
Радуйся, предстателю пред Богом преизряднейший
Радуйся, блаженний отче наш Тихоне, Уржумский чудотворче
К12. Благодать Божию обильно стяжавший, яви нам недостойным, от Господа, помощь и заступление по молитвам к тебе возносимым (и прибеганию к источнику святому и цельбоносным мощам) да благодарно за сие воздадим похвалу: Аллилуия.
И12. Поющее обилие чудес и исцелений от тебя исходящих выну и по отшествии в Царство Божие, неотступно ходатайствуеши ко Христу о нуждах наших неотступно, приими и от убожества и скудоумия усердное возглашение:
Радуйся, горняго мира блаженный обитателю
Радуйся, со святыми прославленный ревнителю
Радуйся, края Уржумского особне покровителю
Радуйся, страны Вятския неутомимый хранителю
Радуйся, по представлении своем нас не оставляющий
Радуйся, всех притекающих к тебе скоро слышащий
Радуйся, в видениях и сониях верным являющийся
Радуйся, чудесы многими по смерти прославляющийся
Радуйся, пресветлый лучу путь указующий
Радуйся, новый светильниче нас освещающий
Радуйся, равноангельским житием достойно украшенный
Радуйся, венцем бессмертия Богом увенчанный
Радуйся, блаженний отче наш Тихоне, Уржумский чудотворче
К13. О блаженный, отче наш Тихоне, скорый помошниче и предивный чудотворче! Ты ныне водворивыйся во обителях Отца Небесного, в соборе Вятских святых, прими малое моление наше и умоли с ними и всеми святыми Господа Бога, да избавит нас от всяких напастей, бед и скорбей. И исправляющее житие наше сподобимся вечного спасения и торжественно прославим Троицу: Аллилуия. Аллилуия. Аллилуия.
Тропарь глас 4.
Христа ради юродство приял еси / в Уржумской стороне Вятския земли / и дары пророчеств и чудотворений стяжал еси / блаженному Прокопию поревновавши. / Сего ради человека Божия звания восприим / научая любовию же и добром велим за зло воздавати / Тихоне блаженнее / и ныне о нас Христа Бога моли // подати нам мир и велию милость.
Кондак глас 8.
От юности Христа возжелавый / претрудное житие юродствуя првел еси / в смиренномудрии, подвизех и терпении блаженнее отче Тихоне / и бе в молитвах и слезах день и нощь,/ о спасении в стране Вятской христианского рода./ Тем же и явлением Богоматери утешенный / велия чудеса, приходящих к источнику обильно источаеши / наипаче же к храму Божию прилежанию учивый / присно за ны молися, заступниче предивный / спастися душам нашам.
Молитва 1.
О, блаженный, Тихоне! Ты велий подвиг подьяв- юродство Христа ради, и стяжавший незлобие, кротость, мир и смирение. Молися о всех нас, да управит Господь стопы наша и возможем понести малые наши труды ко спасению душ своих, ибо есмь мы в недузех телесных, болезнях душевных, малодушии и лености. Яко сам нам будь помошник скорый и избавитель верный. Подаж нам прелести бесовския разумети, да в грехах пребывая в конец себя не погубим ,но уповаяем, яко же ты, на милость Божию и возымеем надежду спасения и спасения путь достойнее проходя прославим с тобою купно Троицу Святую: Отца, и Сына и Святаго Духа, ныне и присно и во веки веков. Аминь. | 
